2-сентябрда Бүбүсара Бейшеналиева атындагы КММИУда жаңы окуу жылына арналган билим майрамы болуп өттү.
Иш-чарага КММИУнун ректору Түмөнбай Колдошов, окуу жайдын проректорлору, декандар, окутуучулар жамааты жана студенттер катышты. Келген студенттердин басымдуу бөлүгүн университетке жаңыдан кабыл алынган 1-курстар түздү.
Окуу жайдын ректору Т.Р Колдошов жаңы окуу жылынын башталышы менен куттуктап, жаңы келген студенттерге ийгиликтерди каалоо менен бирге чыгармачылыкта көптөгөн бийиктиктерге жетүүсүнө тилектештигин жана университет зарыл болгон мүмкүнчүлүктөрдү түзүп берүүгө ар дайым даяр экендигин билдирди.
Ошондой эле жайкы эс алуу учурунда университетте болгон өзгөрүүлөр боюнча маалымат берилип, жалпы жыйын жыйынтыкталды.
