Кыргыз Республикасынын Маданият, маалымат, спорт жана жаштар саясаты министрлиги Кыргыз Республикасынын Министрлер Кабинетинин 2021-жылдын 9-декабрындагы № 322-тескемеси менен бекитилген 2021-2025-жылдарга иш-чаралар планын ишке ашыруунун биринчи этабы катары 2020-2030-жылдарга жаштар саясатынын концепциясынын алкагында 2024-жылдын 19-мартынан баштап 19-апрелине чейин жаштардын радикализм, экстремизм жоруктарын жана кылмыштарды жасоосун алдын алуу боюнча “Жаштар жана коопсуздук” деген аталышта бир айлык акция жарыялаган.
Бүгүн, 4-апрелде, Б.Бейшеналиева атындагы КММИУнун студенттерине Жаштардын радикализм, экстремизм жоруктарын жана кылмыштарды жасоосун алдын алуу максатында “Жаштар жана коопсуздук” аталышындагы тегерек стол уюштурулду.
Иш чаранын коногу медиа эксперт, медиа тренер: Марат Токоев;
Марат Токоев ” Медиа жана санариптик сабаттуулук/коопсуздук” деген темада презентация жасап, интернетти, социалдык тармактарды колдонууда эмнелерди билүү зарыл, жеке коопсуздукту кантип камсыздаш керектиги тууралуу маалымат берип, студенттер кызыккан суроолорго жооп берди.
